banner
Find more about Weather in Cairo, EG
 
 
أحدث الأخبار
نظام جديد للطاقة الكهربائية يضىء مستقبلاً أخضر
رسالة دكتوراه توصى بإنشاء قسم خاص للدراسات الاستشراقية في جامعة الأزهر
شعب دمنهور يهنئ محمد عباس مدير ادارة الأزمات والكوارث بمجلس المدينة
عفاف عبدربه معلقه على صفقة البحرية: مصر استعادت مكانتها على مستوى العالم
 
فيديو اليوم
 
صور اليوم
 
إستفتاء
 
 
 
 


"الدمعة بتجر الوجع"

الثورة

الأربعاء 30 إبريل 2014 08:08:00 PM


"الدمعة بتجر الوجع"
مصطفى جمال

"الدمعة بتجر الوجع"
للشاعر/مصطفى جمال

 

 
الدمعة بتجر الوجع ، و الحلم تايه فى الطموح
لبوح بيوجع ف القلوب ، و كانه ملح على الجروح
 
و الذنب دين
و الدين لابد نسدده
و الحب دين !
و الله واحد نعبده
و القصة مش قصة سؤال ، مين اللى قال ؟
 
مين اللى قال !
الطيبة بتكسب دهب
و الضحكة بتجمع قلوب
مين اللى قال
العشق روح !
ده العشق بيركب ذنوب
 
يا ضحكة حيرانة فى درب العشمانين
حنى بقى
يا حلم متكلفت فى قلب العاشقين
إمتى اللقا
 
إمتى الحياة ، تكسبنى و أكسب ودها
 
إمتى مظالم السنين ، تسامحنى ع البوح و الحنين
على كل غلطة عملتها !
 
يا حيرانين و يا مشتاقين ، يا موجوعين ، يا طيبين
البوح يجوز بيطيب القلب ساعات
لكن ما بعد البوح ممات
و الحل مش أبدا سكات
ده الصمت نار للموجوعين
 
و لو الحياة مش أدها !
كلمها و أسمع ردها
جايز هتكسب ودها
ده الود حضن البردانين
 
يا عاشقين !
كفوا الدموع السايلة على وجع السنين
 
صلوا على سيدنا النبى
ده الضحك سنة عن النبى
 
و الجرح لو مهما يفوت
هيجيلوا يوم يتردلك
 
ده الحق فرض و رده دين


التنقل بين الصفحات :