هاني عبد القادر يكتب: يا عينى على الذكريات
الثورة
الأحد 15 يوليو 2018 10:14:00 PM
هاني عبد القادر
يا عينى على الذكريات
يا عينى على الذكريات بكل اللى فيها
مليانة حكايات فرح ووجع ماليها
واللى عاش شهريار واتمتع بيها
واللى مات من الفراق ومن بلاويها
رجع شريط عمرك من اول البداية
ايام المدرسة اول اجمل حكاية
واللمة فى حتتنا من آخر الشارع لبيتنا
ونظرة حب عمرك فى ضحكة ملهاش نهاية
كنا ساعتها بعيونا بنبان من الاحساس
ومكنش فى موبيل و مكنش فى مسدجات
كل كلامنا فى رسايل ورقة فى قلب الكتاب
مرسوم على الورقة قلب وفى نصه سهم من السهام
اول السهم حرفى وفى اخره حب عمرى
و التلقائية فى وشى ووعود بالامنيات
اننا بعد التخرج نعمل فرحنا أوام
اتاريه زمن التغيير واه منك يا زمان
وكبرنا وتوهنا بسرعة اوووى الايام
وفى لحظة اختفينا وراح كل اللى كان
مفضلش من روايتنا غير شوية ذكريات
ويا عينى على الذكريات واه من الذكريات
التنقل بين الصفحات :